Inisiatif nyendiaka servis bank mindah kin kitu ngelantangka rayat

SEBAUH: Menteri Utiliti, Datuk Sri Dr Stephen Rundi Utom nerima manah inisiatif Perintah Sarawak nyendiaka servis bank mindah kin kitu ba menua ulu enggau menua pesisir kelebih agi di Pelilih Sebauh.

Ku iya, pemisi servis bank mindah kin kitu nentuka peranak enda ibuh ke pasar maya Atur Mindah Betagang (PKP).
Rundi madah, sebedau tu peranak ditu nyau kiruh minta permit polis enti deka ngagai Pasar Bintulu laban mindah ngagai pelilih bukai.

“Enggau pemisi servis bank mindah kin kitu, inisiatif tu ulih ngemuntangka peranak Sebauh ngena servis tu lalu enda ibuh bejalai jauh ngagai Pasar Bintulu,” terang iya.

Rundi mansutka jaku nya pengudah ngabas Bank Mindah Kin Kitu Bank Rakyat ba palan paking entukar Waterfront Sebauh, ditu kemari.

Rundi ke mega Adun Kemena madahka servis ATM ba Pelilih Sebauh agi nganti pemendar ari renggat Nengeri.

Suara Sarawak