Penyikar semilan ‘Hero Bomba’ dibasa

KUCHING: Opis Bomba enggau Penyah Penusah Sarawak meri Setipikit ‘Hero Bomba’ ngagai semilan iku orang ti ngesah penusah sebuah ruang bilik ke dituntung bebadi ba jalai alun apin lama ke udah.

Sida tu nyengkaum seraban penganjung pemakai enggau orang periman ke jampat terejun ngagai parit besai laban deka nyelamatka orang ke aksiden ba di jalai alun ba Jalai Camar, Petra Jaya.

Setipikit nya disuaka Direktor Bomba Sarawak, Khirudin Drahman ba sebengkah pengawa diatur di Indu Opis Bomba Sarawak, ditu kilah ensanus.

“Penyikar ‘Hero Bomba’ sekali tu udah nyeliahka penusah enda disadang nyadi lebuh besaup mansutka sida ke tepekul dalam parit penalam tujuh kaki nya.

“Meri tabi puji lalu ngarapka ulah baka tu ditunda bala bukai ngambi nyamin pengelikun mensia mayuh,” ku Khirudin.

Kena 17 Julai tu tadi, sida nya mujur nyelamatka empat iku diri sebilik pengudah entukar ditepan sida ensayar lalu tebelunging ngagai parit penalam tujuh kaki.

Enti nadai orang datai mantu, empat iku diri sebilik nyengkaum siku lelaki, siku indu enggau dua iku anak mit nya tentu napi penusah.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak