Sebuah kerita ditunu OKU, tegal ringat dikeduan

MIRI: Siku lelaki nyelai pendiau (OKU) ringat pemuas dikeduan ngujungka ngaga pemutus nunu sebuah kerita enda jauh ari Librari Orang Periman Taman Tunku, pukul 6.33 lemai Hari Empat tu tadi.

Pegawai Penyaga Orang Periman Pelilih Miri, Kapten Usman Harto madah Palan Jaga Operasyen Pelilih (PKOD) Miri nerima kangau tasah lalu nganjung empat raban diuluka Arbi Erni ngelawa palan penusah.

“Nitihka penerang ari indai orang ke ngaga kompelin madahka anak iya enda tan dikeduan bala bakih laban pendiau iya ke OKU maya sida bemain bol.

Bekau ari nya, iya tama palan Librari Orang Periman Taman Tunku, semak endur sida ke bemain bol. Udah nya, iya ngumpul daun rangkai semak kerita lalu nuchul api ba daun enggau kerita sag bechura chelum ke paking semak librari nya,” ku iya.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak