Sepital Kalbar, Indonesia deka meli bekal oksigen ari Sarawak

KUCHING: Sarawak deka nganjung bekal oksigen ngagai sepital Kalimantan Barat (Kalbar), Indonesia, ku Kepala Menteri Datuk Patinggi Abang Johari Tun Openg.

Ku Abang Johari, iya udah nerima peminta nya ari Gabenor Kalbar, Joni Isnaini ngambi meli bekal oksigen ari Sarawak.

“Sama baka peminta sebedau tu, kitai udah bejalaika pengawa nengah Perintah ngagai Perintah (G2G).

“Nya alai, raban soldadu deka dianjung gawa ngemuntangka pengawa nganjung bekal oksigen nya,” terang iya.
Abang Johari mansutka jaku nya ba aum pemberita pengudah bejadika Pelin Strategi Pemansang 2030 Pengudah Covid-

ri nya, media Pontianak madahka Opis Menteri Dagang enggau Industri (Kadin) Kalbar minta Sarawak (Malaysia) mantu nganjung bekal oksigen dikena mutarka penanggul suntuk tong oksigen ba semua pelilih beduduk ari kes Covid-19 majak nambah.

“Kami udah berandau enggau Perintah Sarawak lalu sida sedia nganjung oksigen ngagai Kalbar,” ku Joni.

Nangkan nya, Chairman Komiti Penyangga Penusah Nengeri (JPBN) ke mega Sapit Kepala Menteri Datuk Amar Douglas Uggah Embas madah, bekal oksigen ungkup dikena rayat Sarawak chukup.

Suara Sarawak