Siku lelaki beumur 56 taun kes keterubah varian Delta di Sarawak

KUCHING: Kes positif Covid-19 keterubah mungkur varian Delta (B. 1.617.2) ditemu ba Sarawak.

Siku lelaki beumur 56 taun ari Sarawak udah ditemu ditepan varian nya kena 18 June tu tadi ke mega kes Import B.

Penerang ari Institut Pengerai enggau Perubat Komuniti (IHCM) Univisiti Malaysia Sarawak (Unimas) madah, kelimpah ari varian tu, kes positif mungkur varian Beta (B.1.351) enggau Theta (P.3) mega udah ditemu.

Direktor IHMC Prof Dr David Perera madah, sida tetemuka varian nya asil pengawa matau dipejalaika Unimas sentang varian SARS-COV-2 ba menua tu.

Ku iya, bisi 59 kes mungkur “Varian of Concern (VOC)” enggau “Variant of Interest (VOI)” udah ditemu dalam kes positif nyentuk 26 June tu tadi.

Varian Delta keterubah iya ditemu di India seraya Beta keterubah ditemu ba Afrika Selatan serayaTheta di Filipina.
Dr David madah, bisi 34 kes ditemu mungkur varian Velta di Kuching, tiga di Bau sereta bela siti kes di Lundu, Serian, Simunjan enggau Sibu.

Ku iya, bisi tiga kes bukai dikategori Import B dalam varian ke sama.

Iya madahka bekaul varian Theta, enam kes udah ditemu di Kuching enggau tujuh di Kota Samarahan seraya siti kes kes  Eta (B.1.525) ke mega kes import A udah ditemu.

Suara Sarawak