Siku orang tuai ke lenyau di Bukit Grand Oil Lady udah temu

MIRI: Siku orang tuai ti diripotka lenyau ba Bukit Grand Oil Lady ditu kenyau ari ensanus udah ditemu selamat pagi kemari.

Palan Komiti Operasyen Bomba Nengeri Sarawak nengah sebengkah penerang media madahka, tudah ke beumur 87 taun nya ditemu raban volunteer (raban hiking Miri) ti ngambi bagi ba Operasyen Nyidi enggau Ngesah (SAR).

Ba hari kedua, operasyen SAR nya berengkah dipejalai pukul 6.48 pagi pengudah ditangguh tengah malam kemari.

“Orang tuai nya nadai apa nama lalu ulih bejalai pulai enggau raban SAR nya.

“Orang tuai nya udah dianjung ngagai pulai ke rumah enggau likun,” ku penerang nya.

Orang tuai nya ditemu lenyau pengudah enda pulai ke rumah udah ke nurun bejalai pukul 3 lemai.

Anak iya udah ngaga ripot sentang pengelenyau apai iya pukul 7.45 malam lalu operasyen SAR udah dipejalai.
Kelimpah ari nya, operasyen nya diketu pukul 10.05 pagi kemari.

Suara Sarawak