Tiga pekara nentuka PRN

KUCHING: Pemutus ngatur Pengawa Bepilih Nengeri (PRN) deka bepanggai ngagai tiga pekara.

Kepala Menteri Datuk Patinggi Abang Johari Tun Openg madahka tiga pekara nya ngaul gaya kes positif Covid-19 di menua tu, Atur Pengawa Standard (SOP) ngundi ari Komiti Pengawa Bepilih Besai (SPR) enggau pekara pengerai.

Ku iya, tiga pekara nya pemadu beguna kelebih agi berundingka pemaik menua enggau rayat.

“Tiga pekara tu ti patut diperunding, keterubah gaya Covid-19 baikka majak manah tauka enda enti dipeda ba penyampau kes.

“Kedua, baikka SPR udah nyikap SOP ngundi enti meda ngagai gaya Covid-19 ke diatu enggau ketiga pekara pengerai,” ku iya.

Abang Johari bejaku munyi nya ba aum media pengudah bejadika Balai Dagang enggau Industri Orang Ulu (OUCCI) di sebuah hotel ditu kemari.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak