652 iku ditangkap salah guna dadah dalam bulan Julai 2021

KUCHING: Opis Pansik Penyalah Narkotik (JSJN), Opis Kastam enggau Ejinsi Nagang Ulah Gian Dadah Nasional (AADK) mujur nangkap 652 iku bekaul salah guna dadah ba bulan Julai tu tadi.

Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Seri Fatimah Abdullah madahka asil koloborasyen tu meri pangka positif dalam mutarka pengawa salah guna dadah enggau substance.

“Ba bulan Julai 2021, bisi 437 operasyen diatur JSJN, Kastam enggau AADK ngujungka 652 iku orang udah ditangkap.

“Ari penyampau nya, 70 iku ditangkap nyual dadah, 156 ngembuan dadah enggau substance ke alai 426 iku ditangkap laban pemutus peresa ai kemi positif dadah,” ku iya.

Fatimah bejaku munyi nya rambau aum media Ripot Ninting Bulan Komiti One Stop (OSC) Mutarka Isu Dadah enggau Substance (MIDS) Nengeri Sarawak di Begunan Baitulmakmur ll ditu, tadi.

Suara Sarawak