652 kes baru positif ba Sarawak

KUCHING: Kes positif Covid-19 di Sarawak sehari tu manggai 80,174 kes bekau ari penambah 652 kes baru.

Komiti Penyangga Penusah Nengeri (JPBN) dalam penerang media tadi madahka, kes baru tu ditemu ba Pelilih Menua Kuching ke ngerikod 231 kes, Simunjan (84), Serian (65), Mukah (55), Miri (34), Sibu (31), Samarahan (22), Bintulu (21), Bau (20) enggau ke bukai.

Penerang nya madahka, ari 652 kes baru ti dirikodka tu 99 iku bisi nunjukka kelai dirampit Covid-19 lebuh beperesa ke alai 310 kes ditemu ari orang ti bekaul enggau pesakit Covid-19 sebedau tu.

Nangkan ke nya, penerang tu mega madahka lima kluster ditukuka punas.

Kluster ke punas tu iya nya Kluster Kampung Sebandi Hilir, Lundu, Kluster Dulang, Subis, Kluster Jalan Tanjung Kidurong 3, Bintulu, Kluster Kevok, Telang Usan enggau Kluster Jalan Sungai Antu, Sibu.

Udah nya, Pelilih Menua Dalat enggau Beluru bebali ari status mirah ngagai oren laban semina ngerikodka 23 enggau 33 kes dalam timpuh 14 hari.

Taja pia, Pelilih Menua Telang Usan enggau Kanowit bebali ari status kuning ngagai oren pengudah 23 enggau 25 kes dirikodka dalam timpuh 14 hari.

Penerang tu mega madahka, Pelilih Menua Kapit mega bebali ari status oren ngagai kuning pengudah ngerikodka 19 kes dalam timpuh 14 hari.

Mensia mayuh dipinta terus bejaga sereta bejimat nagang pengerekai penyakit Covid-19 di menua tu. Terus titihka SOP dikena nyaga diri empu enggau orang bukai.

Suara Sarawak