Apai Bonnie berasai siru bechampur gaga

KUCHING: Apai jaguh angkat berat para menua, Gustin anak Jenang berasai siru bechampur gaga pengudah meda pengulih anak bujang iya Bonnie Bunyau mujur mechahka rikod angkat berat (powerlifting) kategori 72 kilogram nengah pemerat 228 kg ti ngujungka iya bulih midul emas ba Lumba Paralimpik Tokyo 2020 pagi tadi.

“Tekenyit, gaga sereta berasai siru lebuh ninga rita iya (Bonnie Bunyau) mujur bulih midul emas ungkup menua kitai.

“Lebih ngasuh aku gaga iya udah nempa rikod baru pekit besai nya, mechahka rikod lama 227 kg dipenggi atlit ari Iraq, Rassol Mohsin,” ku Gustin ke ke mega peranak Kampung Baru Mawang, Taie, Serian maya dirandau Arena, Suara Sarawak, tadi.

Suara Sarawak