Datuk Seri Ismail Sabri deka angkat sumpah nyadi PM Ke-9 lemai pagi ila

KUCHING: Menteri Besai Kesemilan Datuk Seri Ismail Sabri Yaakob deka angkat sumpah pukul 2.30 lemai pagi ila di Istana Negara.

Dalam siti penerang media, Yang di-Pertuan Agong Al-Sultan Abdullah Ri’ayatuddin Al-Mustafa Billah Shah Ibni Almarhum Sultan Haji Ahmad Shah Al-Musta’in Billah madahka Ismail Sabri mujur dichiri nyadi Menteri Besai laban teulihka 114 undi ari 220 undi Kaban Parlimen Dewan Rakyat.

“Nengah surat aku, 114 Kaban Parlimen nyirika Ismail Sabri nyadi Menteri Besai, ke alai majoriti nya chukup endur numbuhka perintah.

“Pekara tu seriris enggau Perkara 40(2)(a) dan Perkara 43(2)(a) Konstitusyen Perintah Besai iya nya Yang di-Pertuan Agong setuju nyirika Ismail Sabri nyadi Menteri Besai Malaysia ke-9,” ku penerang media ti dibacha Datuk Pengelola Bijaya Diraja Istana Negara Datuk Indera Ahmad Fadil Shamsuddin.

Yang di-Pertuan Agong madahka, nengah chiri Menteri Besai tu, pengawa ngelaban pandemik Covid-19 patut terus dipejalaika ungkup pengelikun enggau pengelantang rayat.

Suara Sarawak