Enam agi sitak diasuh PKPD

KUCHING: Enam agi sitak baru diasuh ba Sarawak nitihka Atur Mindah Betagang Dipekul (PKPD) berengkah 5 nyentuk 21 Ogos tu.

JPBN Sarawak madah palan tu mungkur tiga kuarters pengereja pengawa, dua rumah panjai enggau sebuah genturung pendiau di pelilih Sebauh, Bintulu, Lundu enggau Sri Aman.

“Kuarters Pengereja Pengawa ba Estet Sungai Kubud, Ladang Keresa di Sebauh diasuh PKPD bepun 5 nyentuk 18 Ogos tu, Rh. Pilit, Kpg Kaong Ulu, Undop di Sri Aman (8 nyentuk 21 Ogos), ditangkan Kpg Sebat Melayu, Kpg Sebat Baru, Kpg Temaga Melayu enggau Kpg Tanah Hitam Sematan di (7 nyentuk 20 Ogos).

“Pia mega di Bintulu, PKPD tu mungkur Rh Engkabang Anak Angang, KM23 Jalai Bintulu Miri; Kuarters Pengereja Pengawa Hock Peng Realty enggau Kuarters Pengereja Pengawa Sim Swee Joo, Jln Sg. Nyigu bepun 6 hinga 19 Ogos,” ku penerang nya kemari.

Suara Sarawak