Isu dua nembiak indu pintar nadai tingki nerima perati Adun Baleh

KAPIT: Dua iku nembiak indu ke nadai tingki ari Long Singut, Kapit ke kala bulih pemutus peresa SPM 6A apin lama udah nerima perati Sapit Kepala Menteri Tan Sri Datuk Amar Dr James Masing.

Masing ke mega Adun Baleh madah diri keran deka rejister dua iku nembiak indu nya ngambi bulih tingki.
“Dua iku nembiak indu ari Long Singut nya bulih pemutus 6A dalam SPM tang nadai tingki.

“Seduai ada enggau besai ba Long Singut, bisi 365 iku sida bukai ke baka seduai tu.

“Sekeda rebak kedua enggau ketiga ti ada ba Long Singut. Ba penemu aku sayau bendar bala nembiak ke bisi penau tu enda dibantu.

“Nasip bendar ga Opis Residen enggau Opis Pelilih Kapit ngambi seduai nyadi pelatih ba opis sida.

“Aku naka ulih enggau nguji rejister seduai nyadi rayat Malaysia.

“Nya kebuah, aku mai Kepala Menteri Datuk Patinggi Abang Johari Tun Openg enggau ejensi bekaul ngabas Long Singut kemari,” terang Masing.

Suara Sarawak