Lubang paip alit dipasuk ular belalang

SARIKEI: Kebuah ai paip nadai deras ngelama tu tebantai pengudah siku ular belalang ditemu belalai ba dalam lubang paip di sebuah rumah Jalai Durian, Sarikei, kemari.

Tuai Balai Bomba enggau Penyah Penusah Bintangor, Mahmudin Narudin madah raban raban bomba betuaika Pegawai Bomba Kanan (PBK II), Bakar Ujang berumban ngesah palan nya pengudah nerima kangau urung pukul 7.05 pagi.

Pengudah datai ba endur nya, raban bomba tepedaka siku ular belalang ba dalam lubang paip dalam bilik mandi rumah orang nya.

“Pengawa matak ular nya pansut mar mimit laban laban tubuh iya udah nyempal ba lubang paip nya. Kami nguji ngena penyintak tang puntan.

“Pemuas berunding, kami nguji ngena ai angat awakka ular nya pansut. Pengujung iya, ular nya pansut lalu mujur ditangkap,” ku iya seraya madah nadai sebarang penusah bakal bekau ari penusah nya.

Suara Sarawak