Projek sepital Unimas disadang tembu 2025

KUCHING: Projek Sepital Pengajar ke ulih ngundan 500 katil pesakit enggau Palan Pengerai Prima Universiti Malaysia Sarawak (Unimas) disadang tembu lima taun agi (2025).

Ku Kaban Parlimen Kota Samarahan Rubiah Wang, projek sepital pengajar tu diperambu ba taun 2015 enggau dikemendar pengudah mantaika pelin Langgur Pemansang Malaysia Lumpar Ke-12 (RMK-12).

“Projek sepital pengajar tu beungkus manggai RM500 juta,” ku Rubiah nerang.

Nambahka nya ku iya, sepital tu deka meri pemaik ngagai mensia mayuh datai beperesa pengerai lalu kebendar, taba asal projek nya deka digaga ba Petraja Jya tang kelalu jauh ari palan pelajar tinggi.

“Nya kebuah, aku merambu sepital nya digaga semak tisi jalai ba luar pagar Unimas.

“Servis perubat enggau berubat disedia ngagai peranak Samarahan baka sepital bukai,” ku iya nerang ngagai Suara Sarawak.

Rubiah ngarap ulih nyaup staf opis pengerai ngambi lempung agi gawa ketegal klinik pengerai di Bagi Menua Samarahan sekut ketegal peranak betambah.

BENUNG DIPEJALAI… Sepital Pengajar diatu benung dipejalai.

Suara Sarawak