RM60 juta mantu pekebun mit meli sum

KUCHING: Perintah Sarawak ngagihka belanja RM60 juta dikena mantu pekebun mit sawit enggau lada ba selampur menua dikena meli sum.

Sapit Kepala Menteri, Datuk Amar Douglas Uggah nyuaka chek nya ngagai Sekretari Tetap Opis Menteri Betanam Betupi Moden, Tanah Adat enggau Pemansang Kandang Menua (Manred), Edwin Abit di opis iya, ditu tadi.

Pengawa nyuaka chek nya mega dikemata Direktor Opis Betanam Betupi Sarawak, Dr Alvin Chai Lian Kuet, Menijar Besai Skim Kaunsil Pengempung enggau Pengintu Tanah Sarawak (Salcra), Joseph Blandoi enggau Sekretari Politik Kepala Menteri, Dr Richard Rapu.

Uggah madah, Sarawak ngembuan mayuh pekebun mit ke nanam produk komoditi nyadi pun penatai pemisi sida.

Taja pia ku iya, penatai pemisi sida bepanggai ngagai rega makit dunya.

Suara Sarawak