Siku lelaki bebadi nyawa aksiden

SERIAN: Siku lelaki peranak menua bebadi nyawa sepengudah motosikal Yamaha Y150 ke ditepan iya tepawah ba Kilometer 6 Jalai semak enggau Kampung Riih Mawang tumu pagi ensana.

Penusah aksiden nya nyadi urung pukul 1 pagi ti ngujungka tudah, Micker Moss beumur 25 taun madamka seput tekala nya ba palan penusah kenyadi.

Nitihka penerang Tuai Opis Pansik enggau Penerit Adat Trafik Sarawak Superintendan Alexson Naga Chabu, niang balat bakal ba pala bekau ari penusah nya.

“Penusah nyadi lebuh tudah benung ba rantau jalai ari Serian ke Tebedu.

“Maya nuju tiku jalai, motosikal tudah dipelaba ensayar lalu tepawah ngagai tisi jalai,” ku iya kemari.

Bekau ari nya, motosikal tudah telantakka ngujungka ngelantak siti tiang telefon enda jauh ari palan nya.

Ku iya silik, pansik tumu udah dipejalaika polis ngabas palan penusah nyadi.

Kes tu dipansik nitihka Seksyen 41(1) Akta Pengangkutan Jalan 1987.

Suara Sarawak