Telang Usan diatu status kuning

KUCHING : Pelilih Telang Usan diatu udah bebali ari status oren ngagai kuning pengudah semina ngerikodka 16 kes kena rampit Covid-19 dalam kandang 14 hari ke udah.

Nitihka penerang JPBN Sarawak kemari, 18 pelilih menua agi mengkang status merah beduduk ari penyampau kes baru kena rampit agi ngelui 40 kes. Penyampau pelilih menua dalam status oren diatu agi enam pelilih ditangkan kuning (11) enggau gadung (5).

Nangkan ke nya, Kluster Kilometer 23 Jalan Puncak Borneo, Kuching udah ditukuka punas kemari pengudah nadai ngerikodka kes baru dalam timpuh 28 hari.

Mensia mayuh dipinta terus dilalau seruran bejaga enggau titihka SOP dikena nagang pengerekai penyakit Covid-19 baka ngena sengkabung mua, basu jari ngena sabun enggau nyaga takah ari pangan diri.

Suara Sarawak