Bonnie nerima setipikit basa ari Malaysian Book Of Record

KUCHING: Pemujur jaguh angkat berat menua, Bonnie Bunyau Gustin ke ngemegahka Sarawak udah matak perati semua.

Bonnie ke mega pemenang midul emas Lumba Paralimpik Tokyo 2020 udah diaku The Malaysian Book Of Record (MBOR) beduduk ari iya atlit Malaysia keterubah menang midul emas Paralimpik Tokyo 2020 ba main angkat berat.

Pia mega, peranak asal Kampung Baru Mawang, Serian tu mega udah nempa rikod baru.

“Chukup gaga pengudah aku diaku The Malaysian Book Of Record.

“Pekara tu meransang aku bebendar agi teulihka pemujur udah tu ba genap pekit ke dipasuk aku,” ku Bonnie nerang.

Lemai ensanus, Bonnie disempulang bala atlit angkat berat Para Sukma Sarawak udah ngatur pejalai nemuai meri basa ngagai Menteri Pengintu Pengelantang Komuniti, Orang Indu, Ruang Bilik enggau Pemansang Anak Mit, Datuk Seri Hajah Fatimah Abdullah ba opis iya di Petra Jaya.

Suara Sarawak