Pemanah kaul ‘sakang’ pengelantang menua

PUNCAK BORNEO: Malaysia tu pesaka menua ti nyelai ke alai kitai idup bebaik enggau begempung dalam pengelain budaya.

Sapit Menteri Pengawa Bekebun enggau Komoditi, Datuk Willie Mongin madah, nyadi ‘Keluarga Malaysia’, kitai mansang besai enggau diajar meretika pengelantang rama, nyeliahka penyarut bansa enggau bebasaka orang bukai.

Ku iya, tu ukai tanggung pengawa siku aja tang genap iku kitai bisi pangku pengawa ti besai endar dikena nyaga diri sebilik, komuniti enggau menua ti digempung taja bisi bida ba penemu politik.

“Nempa kaul manah enggau pangan diri kelebih agi lebuh menua kitai diuji enggau penusah besai nyadi ‘sakang’ pemadu manah kena nipang utai ke nyadi.

“Pemanah kaul nya meh ulih nyamin enggau ngetanka pengelikun enggau pengelurus sereta meri pengelantang enggau pengaga ngagai semua,” ku iya.

Willie ke mega Kaban Parlimen Puncak Borneo mansutka kenang peransang nya beserimbai enggau pesan ngerami Hari Malaysia Ke-58 taun tu.

Iya madah, pagila, 58 taun ke udah, asil ari niat enggau pengepuh bala tuai ti berani begempung numbuhka Malaysia ti tegap enggau ngatika diri, udah nanggam kaul Tanah Melayu, Sabah, Sarawak enggau Singapore begulai lebuh nya.

Berita penuh Ruai 2 pagila

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak