Semangat talukka menua enda tau pudar ngapa

SARATOK: Pandemik Covid-19 agi ngeruga pengelikun menua enda ngasuh semangat talukka menua pudar.

Sapit Menteri Pengeluar Kuasa enggau Pengeraja Asal, Datuk Ali Biju madahka taja menua apin likun ari igi penyakit dunya nya tang iya pechaya rayat semampai ngembuan semangat talukka menua.

Ku iya, ari pemanah kaul serakup enggau pemereti ati entara rayat pupu bansa dia kitai deka ulih ngasuh igi penyakit Covid-19 nya badu ngerekai sereta pukas ila.

“Peneguh tanggam penyerakup meh ti ngasuh semua kitai ulih begempung napi penusah besai ke nuntung menua kandang setaun lebih ke udah.

“Pia mega kerejasama rat diberi ngagai semua program ti dipejalaika perintah baka Program Betuchuk Vaksin Nasional (PICK) ke diatu udah datai ba raban nembiak.

“Aku tepantup ati meda pengeran ditunjukka semua kitai lebuh besaup mutarka pandemik tu, bela enda ngelakka pangan sereta meri sukung penuh kelebih agi ngagai raban terabai komuniti ngemujurka pengawa sida.

“Tu meh semangat talukka menua ti bendar. Enti suba, aki ini kitai berambunka nyawa ngetanka menua, diatu pan kitai berterabaika nyawa nyaga pengelikun menua,” ku iya.

Ali ke mega Kaban Parlimen Saratok nibarka jaku peransang nya beserimbai enggau pengerami ngintu Hari Malaysia Ke-58 ti diintu pagila.

Berita penuh Ruai 2 pagila

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak