Betong diperambu nyadi Kaunsil Mengeri 2030

KUCHING: Betong diperambu ulih diangkat nyadi sebengkah agi kaunsil mengeri manggai taun 2030, ku Adun Layar, Dato Gerald Rentap Jabu.

Kenu ku iya, dikena nyapai juluk nya mayuh pekara patut digaga lalu nya patut berengkah ari diatu.

“Kebuah pia laban mayuh pekara patut ditangkup ngambika Betong ulih dikumbai Kaunsil Mengeri ari ditela Kaunsil Pelilih.

“Nya endang begunaka perambu ke silik sereta begunaka awak, ukai nya sehari tu merambu pagi ila lalu tembu,” ku iya maya dirandau Suara Sarawak kilah ensana.

Kenu ku Gerald mega, Betong deka nyadi palan ti balat ditapatka temuai enti jalai tebing pantai udah tembu digaga dalam kandang dua taun agi.

“Pia mega, penyampau peranak Betong diatu udah betambah ngagai 120,000 iku.

“Di mengeri Betong aja urung 50,000 iku orang,”ku iya.

Nangkan ke nya, iya madah sistem ngumpul uras patut diadu manah agi laly anang muai uras sengapa ke sungai dikena nyapai juluk nyadi Kaunsil Mengeri.

“Kitai mega merambu deka ngaga palan tamu tiga ringkat ngambi lantang endur raban pedaja bejualka asil utai tanam sida.

“Palan bedaja nya ila deka ulih muat 143 ruai endur bedaja sereta disikap enggau perengkaguna palan endur paking entukar,” ku iya.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak