Jalai Padawan deka dikemanah

KUCHING: Perintah Sarawak udah setuju melanja projek ngemanah Jalai Padawan ungkup pengelikun peranak menua ke diau besemak.

Menteri Muda Infrastruktur enggau Pemansang Sarawak, Datuk Julaihi Nawawi kemari begulai enggau Menteri Muda Betanam Betupi enggau Pemansang Tanah, Datuk Roland Sagah bisi ngabas Taba Projek Nimbuk Jalai Padawan Renggat Keterubah, Bagi Menua Serian.

Lebuh ngabas projek nya, Tuai Projek Opis Kereja raya (JKR) ke mega Injinir JKR Sarawak, Adriana Peter Chee udah meri taklimat bekaul status pemadu baru projek nya.

“Pejalai projek tu nyengkaum jalai bansa JKR R3 standard sepanjai 14.23 km, engkelebat RC enggau parit,” terang Adriana.

Nambahka nya, Julaihi Narawi madah, raban kunteriktor mesti ngaga pelin enggau lengkas sereta nganjung ripot ninting minggu.

“Semua ejensi mesti bekerejasama mutarka penanggul ba taba projek.

“Projek tu beguna amat ngambi pejalai mensia mayuh betengahka jalai nya lanchar, ngurangka kes bebadi ba jalai alun enggau sektor betanam betupi mega ulih dikemansang,” terang iya.

Nangkan nya, Roland ngarapka semua raban bekaul chakah agi matau projek tu ngambi ulih tembu lengkas.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak