KPDNHEP tepantup ati enggau Bajet 2022

KUCHING: Opis Menteri Dagang Dalam Menua enggau Pekara Penguna (KPDNHEP) tepantup ati enggau agih Bajet 2022 ti ngemeratka pengawa mantu raban sektor ke napi penusah.

Menteri iya Datuk Seri Alexander Nanta Linggi madah, taja agih belanja ke diterima sama enggau taun ke udah, tang nya cgukuo laban ngemeratka program-program bantu enggau ukai lebih ngagai pemansang.

“Entara pekara ke dikemerat ba bantu tu iya nya raban ti kena kelaung dibantu, ngidupka baru sektor ke napi penusah enggau nentuka dagang sida bejalai baru sereta nyelinting orang tauka dagang ke napi penusah ketegal Covid-19,” ku iya nimbal pasal Bajet 2022, ke baru dibantai ensana.

Nangkan ke nya, Nanta madah diri berasai gaga laban agih ungkup Kimpin Meli Barang Malaysia mega bisi disambung enggau nya deka meri pangka positif ngagai ekonomi ba menua tu.

“Kelimpah ari nya, Program Rayat Bejual, Program Malaysia Bejual enggau Program Ngemansangka Industri Bejual Terus nyengkaum Inisiatif Sektor Renchit Digital (REDI) nerima agih RM33 juta deka dikerembaika agi ba taun 2022.

“Tu beratika isu sereta pemar ke ditapi sektor ekonomi ke tejanggal jam ke diatu,” ku iya.

Ba Bajet 2021, KPDNHEP nerima agih urung RM708.8 juta dikena bejalaika bemacham inisiatif baka nagang rega barang niki.

Tu mungkur agih ke pemadu besai diulih KPDNHEPari Bajet 2021 sepenyampau RM400 juta diberi ungkup program nyebelaka rega minyak makai.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak