Peranak Kpg Sikog, Kpg Mambong ke dituntung penusah biau balai deka dibantu

KUALA LUMPUR: Penusah biau balai ke nuntung peranak Kampung Sikog enggau Kampung Mambong deka diputar lengkas.

Kaban Parlimen Puncak Borneo, Datuk Willie Mongin madahka diri naka ulih ngerumban pengawa minta bantu dikena nulung sida ke tasah nya.

Ku iya, perabung sebuah rumah di Kampung Sikog enggau empat buah rumah di Kampung Mambong abis tekebu sereta dinding rumah balat rusak kena pangka kabut.

“Sinu endar ati lebuh nerima berita pasal penusah ke nuntung sida di menua lalu raban ba Opis Palan Servis aku din udah minta raban bomba ngesah kia kemari.

“Pagi tadi, aku udah minta Pegawai Palan Servis enggau Tuai Kampung sereta Kaunsilor Keppel ngabas sida nya.

“Aku mega muinta sida ngira berapa ungkus ngemanah ngambi kitai ulih ngaduka pengawa ke patut enggau lengkas,” ku Willie nengah penerang ba Facebook Rasmi iya.

Willie mega madahka diri bisi berandau enggau raban Ejensi Penyangga Penusah Menua (Nadma) lalu minta bantu ngarika sida lima pintu bilik ke tasah nya.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak