Sepital Petra Jaya tembu 2024

KUCHING: Menteri Besai Malaysia, Dato Seri Ismail Sabri Yaakob lemai kemari bisi ngabas Taba Projek Ngaga Sepital Petra Jaya, Kuching.

Maya aum pemberita pengudah ngabas sepital nya, Menteri Besai madah projek nya dipelaba tembu taun 2024.

Kenu ku iya, pengawa nembuka projek sepital nya mesti dipatau dikena nentuka projek nya ulih tembu nitihka ditaga.

“Pengawa ke digaga ba endur tu mesti dikemata. Enti nadai dikemata, projek deka tejanggal.

“Kitai deka neritka atur nengah chara nyiri kunteriktor penabat. Enti ullih aku enggai bisi kunteriktor penabat.

“Nya alai, beguna amat pengawa tu dikemata awakka ulih tembu. Enti projekl tu laun, rayat ti ngandalka sepital tentu asal.

“Tu deka ngerugi ari sukut belanja laban ungkus majak niki nyema enda tembu nitihka udah ditaga,” ku iya.

Nangkan ke nya, Ismail mega madah, perambu ngengkah raban pakar deka diperundingka enggau Opis Menteri Pengerai Malaysia (KKM).

Bela datai nyempulang pejalai Menteri Besai iya nya Kepala Menteri Sarawak, Datuk Patinggi Dr Abang Abdul Rahman Zohari Tun Datuk Abang Openg, Menteri Kanan Kereja Raya, Datuk Fadillah Yusof enggau ke bukai. -Ukas

Dapatkan kandungan menarik kami di media sosial:
Klik Di Sini -->> Facebook | Tiktok | InstagramYoutube | |  Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak