Skim Bantu Deposit Rumah: RM10,000 nyaup pemeli

KUCHING: RM10 juta udah diagih di baruh Bajet Nengeri 2022 ungkup bejalaika skim baru dikumbai Skim Bantu Deposit Rumah.

Kepala Menteri Datuk Patinggi Abang Johari Tun Openg madahka ba baruh pelasar strategik ti keterubah; nyaga pengidup enggau penatai pemisi rayat Sarawak, skim tu deka ditumbuhka taun baru lalu deka meri pemaik ngagai urung 1,200 iku pemeli rumah.

“Skim tu deka meri bantu mata duit nyentuk RM10,000 ngagai pemeli raban B40 enggau M40 ungkup bayar deposit rumah.

“Bantu tu deka diatur Mutiara Mortgage and Credit Sdn. Bhd (Mutiara), ke alai bantu tu ulih dikena ungkup projek rumah ulih diempu ngambika disetuju Perintah Nengeri,” ku iya.

Abang Johari bejaku munyi nya ngagai pemberita ba aum media pengudah Aum Khas bekaul Bajet Nengeri 2022 di Palan Aum Borneo Kuching (BCCK) ditu kemari.

 
Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak