Ubah RUU bekaul MA63 deka dibantai 26 Oktober tu

KUALA LUMPUR: Rang Undang-Undang (RUU) bekaul enggau ubah Kunstitusyen Perintah Besai ngambika sekeda atur senutuk enggau Sempekat Malaysia 1963 (MA63) dipelaba deka dibantai ba Parlimen ujung bulan Oktober tu.

Menteri ba Opis Menteri Besai (Parlimen enggau Undang-Undang) Datuk Seri Dr. Wan Junaidi Tuanku Jaafar madah, iya ngarapka bacha RUU keterubah ulih dibantyai kena 26 Oktober tu.

“Bepelasarka taga haribulan opis menteri, aku ngarapka bacha RUU keterubah nya ulih dibantai kena 26 Oktober tu, ditangkan enggau bacha kedua kena 28 Oktober,” ku iya madah nengah sebengkah penerang.

Ku iya, berebak enggau nya Opis Luyar Menua (AGC) benung mansik atur undang-undang, opis menteri udah ngepunka pengawa nerangka pekara beguna ngagai raban ke bekaul.

Ku iya, raban bekaul tu nyengkaum Kaban Parlimen, ketuai ari Sabah enggau Sarawak sereta Luyar Menua ba kededua nengeri tu.

“Nyentuk diatu, inisiatif nya udah nerima sukung ari Kepala Menteri Sabah, Datuk Seri Panglima Hajiji Noor,” ku iya.

Wan Junaidi madah, iya deka betemu enggau Kepaa Menteri Sarawak berandau chara rasmi pasal pekara tu enda lama agi.

Bepanggai ngagai pemujur tanggungpengawa, iya merambu deka ngatur aum khas pasal MA63, betuaika Menteri Besai kena 21 Oktober tu.

“Udah nya, keretas jurai khas MA63 deka dibantaika Menteri Besai ngagai raban kabinet hari siti iya nya kena 22 Oktober,” ku iya.

Nangkan ke nya, bepelasarka taga haribulan pengawa opis menteri, AGC diperambu deka ngaga Rang Undang-Undang Biru pasal pekara tu deka dibantaika ngagai Kaban Parlimen lalu dikearap ulih dibantai kena 25 Oktober tu ila.

Wan Junaidi mega madah, ubah undang-undang bekaul enggau Kunstitusyen Perintah Besai chukup beguna laban nya deka neranh enggau nyemetak pasal status Sabah enggau Sarawak sereta rayat lebih agi peranak asal Sabah enggau Sarawak.

“Udah kelalu lama hak Sabah enggau Sarawak dikelaung enda nitih Sempekat Malaysia 1963 (MA63).

“Kitai ngarapak ulih ngemetukka pekara tu enggau chara ngubah sekeda atur bekaul enggau Kunstitusyen Perintah Besai,” ku terang iya.

Nangkan ke nya, Wan Junaidi madah ubah ke nyengala kebendar ukai semina ungkup undang-undang aja tang iya ke pemadu besai reti iya nya ubabh ulah mensia.

Tu ku iya, nadai undang-undang tauka atur ke ulih ngubah ulah mensia.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak