Ulah salah guna dadah mesti dipunas ba renggat baruh

BINTULU: Menteri ba Opis Kepala Menteri (Integriti enggau Ombudsman) Datuk Talib Zulpilip meransang semua raban besaup munaska ulah salah guna dadah ba renggat.

Berebak enggau nya, Talib ke mega Adun Jepak minta tuai raban bansa madah ngagai ejensi bekaul nyema sida tetemuka bisi nembiak redak nguna dadah.

Iya endang madah endang meri sukung penuh ngagai Ejensi Nulak Dadah Nasional (AADK) ngambika program nya nyapai juluk baka ke udah ditetapka.

Pia mega iya ngarap mayuh aktiviti tauka program diatur ngaul raban nembiak dikena ngenataika penerang pasal penusah ketegal gian dadah.

Talib madah munyi nya maya bejadika program Community Empowerment 2021 Pelilih Bintulu bagi DUN N67 Jepak di sebuah hotel tebilang ditu kemari.

Program nya diatur AADK Daerah Bintulu begulai enggau Opis Pelilih Bintulu dibaruh One Stop Committee (OSC) Bintulu nyadi sebagi ari strategi nyebar tanggungpengawa tuai komuniti mutarka penanggul keruga salah guna dadah ba menua diri.

Kelimpah ari nya, tuju program nya dikena ngiri penemu ngagai tuai raban bansa nyendiaka pelin enggau pekara ke diguna dikena nagang ulah salag guna dadah.

Direktor AADK Sarawak Iskandar Turkee, Chairman OSC Bintulu ke mega Pegawai Pelilih Bintulu Muhammad Dino Amid bela datai ngulu program nya.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak