Yayasan Malaysia Sebilik mantu nembiak ba sukut pelajar

KUCHING: Sebuah institusyen ungkup mantu anak Malaysia Sebilik ti balat kena pangka bekau pandemik Covid-19 lebuh ngiga sukung kelebih agi ari sukut pelajar nyentuk umur 18 taun dikumbai Yayasan Malaysia Sebilik udah dilancharka ditu, ensana.

Menteri Besai Datuk Seri Ismail Sabri Yaakub lebuh ngelancharka institusyen tu madahka, nya nyadi menifestasyen pengerindu Malaysia Sebilik ti dipansutka begulai ungkup anak ti balat kena pangka bekau pandemik Covid-19.

“Kisah 13 iku anak ti agi mit ari dua buah ruang bilik, lenyau palan ngenduh enggau sukung iya nya Nazurah Nabilah Benyajeed beumur 19 taun ti nyaga tujuh iku menyadi iya enggau Hadrami Hasil ti nyadi tuai bilik ba umur 11 taun nyadi pun penumbuh institusyen tu.

“Sida tu nyadi entara 5,173 anak Malaysia Sebilik ti nyadi anak patu balu ketegal Covid-19.

“Uji kitai meratika, besai amai tanggungpengawa ti dipegai sida, ukai semina lenyau apai indai, tang lenyau maya gaga sereta besai enda sama enggau nembiak biasa,” ku iya lebuh Bejadika Malaysia Sebilik, ditu, ensana.

Ku iya, yayasan nya ila deka dikerembai mungkur anak Malaysia Sebilik ti bukai, ke mega begunaka sukung ti sama.

“Nengah penumbuh Yayasan Malaysia Sebilik tu, nadai agi anak ti napi penanggul pengidup kediri.

“Nya alai, besai pengarap aku ngambika semua rayat Malaysia teguh begulai enggau muai semua bida sereta ngeramika menua nyadi sebuah ruang bilik Malaysia ti besai.

“Tu meh reti ‘keterangkuman, kebersamaan enggau kesyukuran’. Nya kebuah, enggau baruh ati aku deka mai semua rayat bekunsi pengerindu enggau anak tu ngambika sida ulih ngasaika pengidup sebaka enggau bakih bukai,” ku iya.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak