80 iku orang berikan di Kuala Tatau nerima bantu

BINTULU: Urung 80 iku orang berikan darat enggau tasik ba Kuala Tatau nerima bantu kereban dikena berikan ari perintah nengeri nengah Opis Betanam Betupi Bintulu.

Genap sida nerima kereban dikena berikan beungkus RM2,000.

Kelai pengawa nyuaka bantu nya dikemujurka Menteri ba Opis Kepala Menteri (Integriti enggau Ombudsman) Datuk Talib Zulpilip.

Ba jaku iya, Talib madah Perintah Sarawak ransing nentuka nasip enggau pengelantang raban orang berikan ba selampur nengeri tu dijaga manah nyengkaum ba Kuala Tatau.

Talib ke mega penyandang Dun Jepak madah, pengawa meri kereban dikena berikan ari perintah ngagai raban orang berikan nya beguna amat dikena meri pengelantang ngagai sida.

“Pengawa tu mega patut diteruska awakka pengelantang sida semampai dijaga,” ku iya.

Nya alai, iya ngarapka raban nya ngena bantu enggau perengkaguna ke udah disediaka perintah enggau manah dikena nyungkak sosioekonomi diri enggau ruang bilik sida.

Dapatkan kandungan menarik kami di media sosial:
Klik Di Sini -->> Facebook | Tiktok | InstagramYoutube | |  Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak