Anang mansutka penerang ngelui ari ketuai parti

BINTULU: Penerang enggau pengawa digaga kediri enda dikemendar ngelui ari pemutus tuai parti, ku Presiden Parti Demokratik Progresif (PDP) Datuk Sri Tiong King Sing.

Terang Tiong, enti sema penemu dibantai kaban parti mai tau ngasuh charut enggau ngamahka nama parti, sida deka dikumbai pengerusak parti lalu atur ke patut deka dipejalai.

“PDP semampai ngemeratka kolektivisme enggau keran ngetanka pengelantang Sarawak lalu semua pemutus nya bepelasarka konsensus.

“Ba PDP, sapa-sapa sigi enda sesekali dikemendar mai kuasa tauka parti politik ari Semenanjung ngagai Sarawak enggau ngeruga pengelantang rayat menua tu.

“Kami enda ngemendarka parti Malaya nuat ke tambai sida di Sarawak,” ku Tiong nerang ba laman media rama iya.

Tiong mansutka jaku nya lebuh ngelansa penerang Chairman PDP Pampang Krian, Jeffrey Jimbun apin lama ke udah madahka sukung iya ngagai penyandang Krian Datuk Ali Biju ari Parti Pribumi Bersatu Malaysia (Bersatu) ngambi ngetanka penuduk Dun nya.

Tiong madah, apin lama PDP madahka Jeffery Jimbun nya tau mai pengerusak lalu ngaga pemutus enda netapka iya nyadi chalun Krian,

Ku Tiong, tu ngujungka Jeffrey enda lantang ati lalu malas nengah pekara tu lalu madahka parti nya deka neritka atur ke patut ngagai iya.

“Aku ngarapka Jeffery ulih ngena peluang ti diberi parti, berunding manah ari utai ke nyadi lalu badu agi ngereja penagwa ti tau pulaika pengerugi ngagai parti,” terang Tiong ke mega Duta Khas Menteri Besai Ke China.

Dapatkan kandungan menarik kami di media sosial:
Klik Di Sini -->> Facebook | Tiktok | InstagramYoutube | |  Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak