Aum Khas PRN12 deka diatur 24 November tu

KUCHING: Sebengkah Aum Khas bekaul Pengawa Bepilih Besai Nengeri (PRN-12) Sarawak deka diatur kena 24 November tu ila.

Sekretari Komiti Besai Pengawa Bepilih (SPR) Datuk Ikmalrudin Ishak madahka aum khas tu deka diatur ba Kuching pukul 9 pagi, Hari Tiga (24 November) tu.

“Aum khas tu ila deka dichairmanka Chairman SPR Datuk Abdul Ghani Salleh ungkup berandau pasal haribulan beguna PRN-12 Sarawak baka haribulan writ pengawa bepilih, haribulan ngayanka chalun, haribulan ngundi enggau ngerejister pemilih ti deka diguna sereta pengawa bukai ti disikap ungkup PRN nya.

“Sebengkah aum media mega deka diatur sepengudah aum khas tu tembu,” ku iya dalam siti penerang media, tadi.

Dulu ari nya, Tuai Pemegai Menua (TYT) Sarawak Tun Pehin Sri Abdul Taib Mahmud ngenukuka Dun Sarawak padam kena 3 November tu tadi pengudah berandau enggau Yang di-Pertuan Agong, Al-Sultan Abdullah Ri’ayatuddin Al-Mustafa Billah Shah.

Pekara nya ngujungka Sarawak mesti ngatur PRN-12 dalam timpuh 60 hari.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak