Dennis Ngau agi dipilih GPS ngetanka penuduk Dun Telang Usan

MIRI: Nama penyandang Dun Telang Usan Dennis udah disebut Chairman Gempung Parti Sarawak (GPS) Tan Sri Abang Johari Tun Openg nyadi chalun bediri baru maya Pengawa Bepilih Nengeri Ke-12 (PRN-12) Sarawak.

Iya mantaika pekara nya lebuh beratika sukung rayat Telang Usan ngagai siku ari tujuh penyandang penuduk Dun ari parti Perintah GPS ba Bagi Menua Miri.

Nya alai pekara nya nunjukka rintai nama semua chalun GPS ba Miri nyau deka penuh kelimpah ari penuduk Dun Pujut ke apin ditemu enggau deka dibantai Abang Johari kena 4 Disember tu di Kuching.

“Datuk Dr Penguang Manggil mengkang nyadi chalun di Marudi, sama mega enggau chalun kitai di Mulu ti suah besemaya lalu ngamatka semaya diri, Datuk Gerawat Gala enggau chalun kitai di Telang Usan, Dennis Ngau, teruska nyadi chalun di Telang Usan,” ku iya lebuh bejadika Projek Bekal Ai Menua Pesisir (BALB) Sitak Marudi, ditu kilah ensanus.

Suara Sarawak