Dun Jemoreng dikeandal agi nyadi kubu tegap PBB

MUKAH: Penyandang Dun Jemoreng, Datuk Dr Juanda Jaya andal Dun Jemoreng deka ulih ngetanka kubu Parti Bumiputera Bersatu (PBB)- GPS ungkup beberapa taun ti deka datai lebih agi ba Pengawa bepilih Besai Nengeri Nengeri (PRN).

Iya andal Dun Jemoreng agi mengkang nyadi kubu tegap PBB/GPS

“Tu beduduk ari pengarap rayat ba sitak Jemoreng ngagai iring parti enggau perintah dibaruh pegai Kepala Menteri Datuk Patinggi Abang Johari Tun Abang Openg.

“Taja Dun Jemoreng siti ari kunstituensyen ba menua ulu, tang iya enda kala dikelaungka ari pemansang,” ku iya madah ngagai Suara Sarawak.

Ku iya, semua pemansang sereta perengkaguna benung digaga sekumbang GPS merintah.

Ngelansa pasal penyikap parti, Juanda madah udah lama nyikap diri napi PRN.

“Sebana rayat semampai didinga ari dedini endur, pia mega kitai seruran datai ngabas rayat lalu mendingka penanggul sida.

“Kitai endang udah sedia ngetanka mandat Datuk Patinggi Abang Johari nyadi Kepala Menteri ba PRN tu,” ku iya.

Dulu ari nya, Dun Jemoreng  udah ditumbuh kena 2005 sereta berengkah bisi chalun bediri ba PRN Ke-9 taun 2006.

Keterubah suba diarika niang Gani@Abu Seman Jahwie pengelama dua penggal ngena tiket PBB-Barisan Nasional (BN).

Ba PRN Ke-11, Juanda ari BN-PBB besatup enggau dua iku agi chalun iya nya ari independent enggau Parti Amanah Negera (PAN).

Juanda menang majoriti 3,789 undi penyampau 5,084 undi ditangkan Abdullah Saminan (Independent) 1,295 undi enggau Kiprawi Suhaili (PAN) enggau penyampau 187 undi.

Juanda sebedau nyadi pengari rayat, kala gawa nyadi Mufti Nengeri Perlis.

Konstituensyen DUN Jemoreng dipelaba deka ditanka GPS-PBB ba PRN Ke-12.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak