Dun Sarawak otomatik padam

KUCHING: Kunsil Nengeri (Dun) Sarawak otomatik padam pengudah Yang di-Pertuan Agong setuju ngemaduka atur Proklamasi Darurat, ku pemikir politik Profesor Madya Dr Awang Azman Awang Pawi.

Nya alai, ku iya Kepala Menteri Datuk Patinggi Abang Johari Tun Openg deka ngelawa Tuai Pemegai Menua (TYT) Nengeri, Tun Pehin Sri Abdul Taib Mahmud endur mantaika pemutus nya ungkup pengawa rasmi.

“Udah nya, dalam timpuh 60 hari pengawa bepilih besai Sarawak deka diatur,” ku iya maya dirandau Suara Sarawak, kemari.

Berebak enggau nya, Awang Azman melabaka Pengawa Bepilih Nengeri Ke-12 (PRN-12) Sarawak diatur sebarang maya minggu keterubah, kedua tauka ketiga Disember.

Ku iya laban berundingka musin landas enggau pengerami Krismas ke nyadi ujung Disember.

Dulu ari nya, nengah sebengkah penerang media ke dibantaika Astana Menua, Yang di-Pertuan Agong Al-Sultan Abdullah Ri’ayatuddin Al-Mustafa Billah Shah udah setuju Proklamasi Darurat ba Sarawak dipadam

Pemangku Datuk Pengelola Bijaya Diraja Istana Negara, Datuk Azuan Effendy Zairakithnaini madah atur madamka Proklamasi Darurat ba Sarawak endang seriris enggau Pekara 40 enggau 40(1A) Kunsitusyen Perintah Besai.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak