Gaga produk tambah nyungkak penatai pemisi

BINTULU: Komuniti orang berikan ba Dun Samalaju diperansang ngasilka produk penyungkak asil tasik nyadika chara ke ulih dikena nambahka penatai pemisi sida.

Tu beduduk ari peminta ke tinggai ngagai asil protein nyadi ari sitak Taman Perindustrian Samalaju, ku penyandang Dun Samalaju,Datuk Majang Renggi.

Kenu ku iya, peminta tinggi nya ukai semina asil tasik enggau sungai, tang mega asil btenama betupi ke bukai.

Majang madah munyi nya maya nyuaka bantu kereban berikan orang berikan (BIPPN) Opis Betanam Betupi Bintulu ba Dewan Serbaguna Kuala Nyalau, ensana.

Bisi 66 iku orang berikan ari Kuala Nyalau, Kampung Nyalau Tengah, Kampung Hulu Nyalau enggau Kampung Kuala Suai nerima bantu beungkus RM132,000 nya.

Nya alai, Majang ngarapka bantu nya ulih nyadika peransang ngagai raban orang berikan terus nambahka jereki diri.

“Aku ngarapka bantu tu ulih dikena enggau manah dikena nambahka penatai pemisi,” ku iya.

Berebak enggau nya, iya minta raban nya ngena aplikasyen chara teknologi ke pemadu baru dikena nyungkak penatai pemisi sida.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak