John Ilus bedau dipadah sekalika bediri tauka enda

SERIAN: Penyandang Dun Bukit Semuja John Ilus madah diri bedau nemu (dipadah) enggau nyemetak sapa chalun ngarika Parti Pesaka Bumiputera Bersatu (PBB) ba Dun ungkup Pengawa Bepilih Besai Nengeri Ke-12 (PRN-12) tu.

“Aku bedau nemu (dipadah) nyentukka hari nganjung nama chalun ditentuka kena 6 Disember tu ila.

“Taja pia, naka diatu kami endang udah besedia,” ku iya.

Komiti Parti Pesaka Bumiputera Bersatu (PBB) ba renggat genturung pendiau sitak Dun Bukit Semuja deka nyadi raban ti pemadu beguna nyaup aktiviti kimpin

Iya madah sida udah ngerah raban bekaul baka pati parti, kaban parti enggau tuai pampang ngambika nyikap diri napi PRN-12 tu ila.

“Naka diatu, kami ngena servis raban kuat parti baka tuai pati, kaban parti enggau tuai pampang ngatur semua pengawa awakka nyikap diri napi PRN ti deka datai.

“Kami endang seruran ngerah sida ngambika merambu taga enggau betul sereta manah,” ku iya maya ditanya pemberita ba Program AgriCop Komuniti di Balai Raya Kampung Remun ditu, tadi.

Dapatkan kandungan menarik kami di media sosial:
Klik Di Sini -->> Facebook | Tiktok | InstagramYoutube | |  Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak