Jurulatih Powerlifting ari Sarawak diining menua sepiak

JURULATIH powerlifting menua, Jamil Adam madah pengawa iya diatu benung ngining pengari kaunsil lumba menua sepiak ngambika ulih ngelalih atlit sida.

Jurulatih endang asal ari Sarawak nya madah, pegawai lumba menua nya bisi betelefon ngagai iya lalu madahka juluk nya.

“Pegawai lumba menua sepiak bisi betelefon ngaga aku lalu madahka juluk sida deka ngambi aku ngelatih atlit sida,” ku Jamil madah ngagai Arena Suara Sarawak sehari tu tadi.

Kenu ku Jamil, nadai penanggul iya mindah sereta neruska pengawa ngelatih atllit menua nya nyema semua perambu bela udah disetuju.

“Aku deka beratika kangau nya nyema iya tetangkupka pekara ke patut, nadai penanggul aku mindah sereta ngerembaika pengawa nyadi jurulatih,” ku
Jamil.

Siku guro ke udah mujur ngangkatka pemansang main powerlifting Sarawak nya berengkah ngiring kem powerlifting menua kenyau ari taun 2014.

Pemujur besai Jamil Adam ke chukup ngemegah iya nya mujur ngelatih jaguh dunya baka Bonnie Bunyau Gustin, Jong Yee Khie enggau mayuh agi atlit ke bukai ba main powerlifting ari Sarawak ke ditemu iya penau ari Lumba Para Sukma.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak