Pemansang menua begunaka pegai perintah ti tegap

KUCHING: Sapit Kepala Menteri Datuk Amar Awang Tengah Ali Hasan nyemetak madah dikena ngemansangka nengeri tu sereta nyaga pemaik rayat, begunaka amat pegai perintah ke tegap.

Kenu ku oiya, perintah ke tegap deka ngemuntang perintah ngatur pemansang sereta nyaga pemaik rayat.
”Perintah Gempung Parti Sarawak (GPS) dibaruh iring Kepala Menteri Datuk Patinggi Abang Johari Tun Openg udah nyaga nengeri enggau pemaik rayat enggau manah.

“Pia mega perintah nengeri chukup ransing mantu enggau nyag pengelantang rayat Sarawak nyengkaum orang lunggar umur, orang nyelai pendiau (OKU) enggau orang tasah,” ku iya maya pengerami Hari Pedagang Mikro Pengintu Pengelantang (HUMK) enggau Hari OKU diatur Opis Pengintu Pendiau Raban Bansa (JKM) ba Palan Aum Borneo Kuching (BCCK), kemari.

Nangkan ke nya, iya ke mega Mandal Presiden Parti Pesaka Bumiputera Bersatu (PBB) madah ba Pengawa Bepilih Besai Nengeri (PRN) tu ila, ‘insha-Allah’ perintah diatu (GPS) deka terus merintah.

“Nama ke beguna kitai patut ngetanka pengelikun pengeap perintah ke diatu.
“Taja pia, tu begunaka penyerakup enggau kerejasama ari semua rayat Sarawak,” ku iya,.

Berebak enggau nya, Menteri Pengintu Pendiau, Pengelantang Komuniti, Orang Indu enggau Pemansang Anak Mit Datuk Seri Fatimah Abdullah minta rayat berunding enggau panjai lalu gaga pemutus ke betul ba PRN ila.

Ku iya, beguna amat bisi perintah enggau tuai ke manah, ransing, siru ke rayat nyengkaun sida ke tasah.

“Pemutus milih orang ke betul ngiring nengeri tu bepanggai ba jari rayat. Sida mesti ngaga pilih ke betul.

“Kitai di Sarawak begunaka tuai ke ulih nyaga rayat,” ku iya.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak