Pilih pengari rayat ti betul

KUCHING: Dichap nyadi kubu tegap Parti Pesaka Bumiputera Bersatu (PBB) ba Pengawa Bepilih Besai Nengeri Ke-12 (PRN12) ukai nyadi dalih komiti PBB Pantai Damai berasai lantang.

Ba Datuk Dr Abdul Rahman Junaidi, genap komiti patut gawa bebendar dikena nentuka sitak Kunsil Nengeri (Dun) Pantai Damai nyengkala nyadi kubu kuat Gempung Parti Sarawak (GPS).

“Kitai enggai dikumbai kuat semina atas keretas tang tunjukka pengering kitai ke amat.

“PRN12 endang kelang dikena mandang asil pengawa digaga ngelama tu,” ku iya.

Iya madah munyi nya pengudah nangguhka Bengkel Polling Agent & Counting Agent (PACA) Dun N.4 Pantai Damai apin lama ke udah.

Kenu ku iyua, laban nitihka Atur Pengawa Standard (SOP) baru ba PRN12, komiti tu patut nyikap diri enggau sebarang ubah.

“Kitai nyangka enda ulih belicha tauka kimpin ari rumah ke rumah.

“Utai ke patut digaga iya nya ngena media rama enggau nerangka semua penerang pasal polisi sereta pengawa perintah Sarawak dibaruh GPS ungkup pengelantang rayat,” ku iya.

Dr Abdul Rahman mega ngarapka pengundi ba sitak Pantai Damai ulih ngaga pilih ti betul ungkup pemaik dudi hari.

“Anang ngadai pengidup anak uchu kita enggau pemutus milih pengari rayat ke salah,” ku iya.

Dapatkan kandungan menarik kami di media sosial:
Klik Di Sini -->> Facebook | Tiktok | InstagramYoutube | |  Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak