Salang deka ngiring PRS napi PRN

KUCHING: Parti Rakyat Sarawak (PRS) deka diiring Sapit Presiden, Datuk Joseph Salang Gandum napi Pengawa Bepilih Besai Negeri Ke-12 (PRN-12) ti deka diatur enda lama agi.

Kenu ku Salang, bepelasarka undang-undang parti, iya nadia pilih lalu patut ngiring bala ketuai parti, beduduk ari pemidang Presiden iya Tan Sri James Jemut Masing.

“Aku Sapit Presiden, nyadi aku patut bejalaika tanggungpengawa Presiden tang ukai nyadi pemangku Presiden,” ku iya maya dirandau pengudah nyadi tuai aum PRS ba indu opis PRS ditu kemari.

Salang madah, PRS deka ngatur pengawa bepilih parti pengudah PRN-12 lalu pekara nya entara resolusyen ba Aum Besai Ninting Taun (AGM) ke udah digaga ba Sibu.

“Pengudah pengawa bepilih besai baru kami deka ngatur pengawa bepilih parti,” ku iya.

Penuduk Presiden PRS dipegai Masing kenyau ari 2004.

Masing ke mega Sapit Kepala Menteri enggau mega Adun Baleh udah midang kemari ba Palan Perubat Normah, ketegal kompikasyen tungkul ati.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak