Sediaka SOP ti engkeman ungkup PRN12

KUCHING: Opis Menteri Pengerai Malaysia (KKM) enggau Komiti Besai Pengawa Bepilih (SPR) dikearap ulih nyendiaka Atur Pengawa Standard (SOP) Pengawa Bepilih Nengeri (PRN) ti engkeman enggau pekara ke nyadi di Sarawak.

Menteri ba Opis Menteri Besai (Parlimen enggau Undang-undang) Datuk Seri Dr Wan Junaidi Tuanku Jaafar madah, tu nentuka rayat dijaga ari kes berampit Covid-19 lebuh bejalaika atur demokrasi nya.

“SPR udah sedia lalu pekara ke patut ditetapka diatu nya SOP ungkup pengawa bepilih.

“Nya kebuah, aku ngarapka KKM, Kaunsil Pengelikun Menua (MKN) benung berandau enggau Komiti Penyangga Penusah Nengeri (JPBN) ngambi nentuka SOP ti engkeman ungkup Sarawak.

“Pekara baka sekalika kitai deka bisi sehari tauka dua hari ngundi nya di baruh bidang kuasa mutlak SPR nentuka atur ti engkeman,” ku iya lebuh dirandau Suara Sarawak, kemari.

Kaban Parlimen Santubong nya mansutka jaku nya lebuh ngelansa pasal Proklamasi Darurat Sarawak dipadam sereta meri awak PRN-12 diatur ba timpuh 60 hari ari timpuh nya.

“Dun Sarawak otomatik padam enggau pengawa bepilih deka diatur lebuh Yang Di-Pertuan Agong ngenukuka Darurat dipadam,” ku Wan Junaidi.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak