Tunjukka sukung ngagai kami

KUCHING: Parti Perikatan Nasional (PN) patut meri sukung ngagai Gempung Parti Sarawak (GPS) dalam Pengawa Bepilih Besai Nengeri (PRN-12) ti deka datai.

Menteri Kanan Kereja Raya Datuk Seri Fadillah Yusof madahka, udah datai maya endur PN nunjukka sukung sida ngagai GPS sebaka lebuh GPS meri sukung ngagai PN numbuhka perintah suba.

“GPS udah madahka deka bediri dalam 82 kerusi Dun, ke alai aku enda nemu bisi agi awak endur berandau pasal tu.

“Tang tu nyemetak nunjukka GPS udah bisi 82 iku chalun ti deka bediri dalam PRN ti deka datai,” ku iya.

Fadillah bejaku munyi nya lebuh ditanya media pengudah ngabas begunan tambah SK Rakyat di Jalai Haji Bolhassan ditu, kemari.

Ku iya, PN patut nyukung GPS laban GPS udah nyukung PN dalam negapka perintah ba renggat Perintah Besai dulu ari nya.

“Kami udah nunjukka sukung kami ngagai sida sebedau tu.

“Tu meh maya sida mega nunjukka suku ngagai GPS,” ku iya.

Iya nandu, GPS udah ngatur enggau nyaga menua tu enggau meruan ukai semina lebuh mutarka pengerekai penyakit Covid-19 tang mega lebuh napi krisis, negapka ekonomi menua enggau mantu rayat.

“GPS udah nyaga menua tu enggau manah.

“Sarawak meh entara menua ti mayuh meri bantu ngagai rayat, ukai semina bekaul bantu belanja ngagai rayat tang mega bantu ngagai raban orang dagang.

“Aku ngarapka bakih kitai di Semenanjung baka PN enggau Barisan Nasional (BN) nunjukka sukung ngagai GPS,” ku iya.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak