Ali Biju minta GPS meri Bersatu penuduk ba PRU15

SARATOK : Kaban Parlimen Saratok, Datuk Ali Biju ngarapka Gempung Parti Sarawak (GPS) ulih meri iya peluang bediri ba sitak nya ngena tikit Parti Pribumi Bersatu Malaysia (Bersatu) ba Pengawa Bepilih Besai Ke-15 (PRU-15) ti deka datai.

“Besai pengarap aku, ba Pengawa Bepilih Besai Ke-15 (PRN-12) tu ila GPS meri aku peluang bediri lalu ngetanka penuduk aku ba Parlimen P.205 Saratok.

“Kebuah pia, laban aku udah meri awak ti besai enggau ngelak ke penuduk aku ba Krian ngagai GPS ba PRN-12 tu.

“Nya alai, aku pan patut diberi peluang ti sama bediri ngetanka penuduk Parlimen P.205 Saratok ngena tikit Bersatu ba PRU-15 ila.

“Pekara tu (PRU-15) udah bisi diperunding bala tuai parti ti bekaul tang aku apin ulih madah enggau nyentuk ditu senentang batang aum nya,” ku iya ba aum pemberita diatur ba palan servis komuniti Parlimen Saratok, ensana.

Sama bisi ngulu aum peberita nya Menteri Kanan Dagang Entarabansa enggau Industri Datuk Seri Mohamed Azmin Ali enggau Sapit Speaker Aum Parlimen Datuk Mohd Rashid Hasnon.

Suara Sarawak