Anang ngelak anak bemain ai bah

KUCHING: Rayat Malaysia dipinta bejimat enggau ngadang lebih agi enggau penyadi ampuh bah ke nuntung menua kelimpah ari napi pandemik Covid-19.

Menteri ba Opis Menteri Besai (Parlimen enggau Undang-Undang) Datuk Seri Dr. Wan Junaidi Tuanku Jaafar  madah, pekara nya beguna amat laban benung benung dituntung dua penyadi besai iya nya ampuh bah enggau Covid-19.

“Tulung jaga manah anak kita anang ngelakka sida bemain enggau ai bah.

“Pekara nya patut diperati laban tau ngundang bemacham penyakit nyengkaum Covid-19,” ku iya nengah penerang ke dibantai ba laman Facebook rasmi iya, kena 6 Disember tu tadi.

Nya alai, iya minta rayat mayuh belematika atur pengelikun maya bah ke udah dibantaika Opis Menteri Pengerai Malaysia (KKM).

“Laban ke nyadi siku ari orang ke megai tanggungpengawa nyaga pengelikun enggau mutarka penanggul menua enggau rayat Malaysia, aku sigi enda leju ngelalau semua patut nyaga diri empu enggau diri sebilik.

“Laban nengah chara nya kitai ulih mantu nentuka pengelantang menua sereta besaup ngemansangka menua tu,” ku iya.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak