Rayat patut berundingka polisi perintah

SERIAN: Rayat patut berundingka polisi perintah dalam nentuka pejalai menua ba Pengawa Bepilih Besai Nengeri (PRN-12) tu ila.

Kepala Menteri Datuk Patinggi Tan Sri Abang Johari Tun Openg madahka semina Gempung Parti Sarawak (GPS) aja bisi polisi nyamin rayat enggau nengeri.

“Perintah GPS udah bisi polisi pasca Covid-19 ngagai nengeri maju enggau bepenatai pemisi manggai taun 2030.

“Rayat patut berunding ke polisi tu dalam nentuka pemansang menua kitai,” ku iya.

Abang Johari bejaku munyi nya ba Program Muka Jalai Raya Pan Borneo Sarawak ‘Jajaran’ Serian ti dipenyadika Menteri Besai Datuk Seri Ismail Sabri Yaakob ditu, kemari.

Chairman GPS tu mega ngarapka parti nya ila ulih bulih mandat besai ari rayat ngambika ulih terus ngemansangka pemansang di Sarawak.

“Nya (mandat) beguna ngagai kitai awakka ulih terus bekerejasama bejalaika nama ti dipinta rayat Sarawak,” ku iya.

Sama bisi datai Menteri Kereja Raya Seri Fadillah Yusof, Speaker Dun Datuk Amar Mohd Asfia Awang Nassar, Sekretari Perintah Nengeri Sarawak Datuk Amar Jaul Samion enggau ke bukai.


Dapatkan kandungan menarik di media sosial kami:  Facebookk | Tiktok | InstagramYoutubee Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak