Siku chalun Aspirasi asa diasuh muat siti poster

KUCHING: Chalun Aspirasi ba Dun Pending, Chan Chee Hiong asa laban siti ari papan poster besai iya diasuh Komiti Besai Pengawa Bepilih (SPR) mesti dibuat (diambi tekala nya).

Chee Hiong madahka, papan poster iya diasuh SPR d laban bisi ngundan jaku ’95 peratus minyak enggau gis Sarawak diambi Perintah Besai, rayat Sarawak makai rumput’.

“Malam ensana aku nerima kangau telefon ari SPR ngasuh aku muat papan poster nya tekala nya laban kenu ku sida ngelanggar undang-undang SPR.

“Lebuh aku nanya nama kebuah Parti Tindakan Demokratik (DAP) suba ulih ngena jaku rayat makai rumput sida madah suba enggau diatu enda sebaka,” ku iya bejaku dalam siti penerang media, kemari.

Iya madahka, udah nya iya setuju nampal jaku ba papan poster nya tang pemesai SPR madahka ba papan notis nya bisi gambar chapi makai rumput mega mesti dipadam.

“Aku madahka, gambar chapi makai rumput nadai mai reti nama-nama tang sida madahka ‘gambar chapi makai rumput’ enda ulih dikena,” ku iya.

Ungkup penerang, Seksyen 4A (1) Undang-undang SPR madahka chalun ti bediri enda ulih mandangka sebarang pekara enda menuku ngagai mensia mayuh.

Suara Sarawak