BAH TUNGGAL… Laman SK Kuala Bok ampuh naka pukul 2 kemari pengudah ujan enda ngetu kenyau ari berapa hari ke udah. (GAMBAR BOMBA MIRI).

MIRI: Ujan bangat enda ngetu berapa hari ke udah ngujungka menua emperan kelebih agi sitak Baram ngaul Sekula Primari (SK) Kuala Bok ditu nyau ampuh.

Tuai Opis Bomba enggau Penyah Penusah Malaysia Zon 6 Miri Penguasa Kanan Bomba I Law Poh Kiong madah, naka pukul 2 lemai tu tadi, ai majak niki.

“Penolong Kanan (PK) 1 SK Kuala Bok Usop Anyi madahka ikas ai majak niki lalu kaki lima buding udah ampu 10 ngagai 12 inchi penalam.

“Taja pia, 35 iku nembiak ke diau ba buding, tujuh nembiak pulai ari sereta enam nembiak pra sekula agi belajar,” ku iya.

Law Poh Kiong madah baru, padang sekula mega nyau deka ampuh abis lalu ujan apin ngetu muakka lemai enggau tikas ai agi niki.

Ba lansa sama, Opis Entali Ai enggau Parit Sarawak nengah Stesyen Tikas Ai Sungai ba website rasmi sida madahka nyentuk pukul 2 lemai tadi, ikas ai tau ngeruga pengelikun.

Nambahka nya, ikas ai ba Long Jegan enggau Kuala Tutong manggai jelan peninggi seraya ba Benawa agi dipatau ungkup bejejaga.

Kelimpah ari nya, penerang Stesyen Pengemata Ujan madahka ujan bangat ba Padang Bilun Miri lalu Long Teru umbas pemangat.

Suara Sarawak