Besaup kitai ngemansangka Katibas

KAPIT: Kaban Kunsil Nengeri (Adun) Katibas, Lidam Assan madah diri udah mujur betemu enggau Direktor Unit Matau Pengawa Nengeri Sarawak Haji Azmi Haji Bujang ngilah ensanus.

Ba pengawa betemu enda lama nya, iya madahka bisi nyebut mayuh macham pekara ti deka dipinta dikena diangkatka ngagai ikas pemansang ke patut.

“Pekara nya endang mungkur pekara infrastruktur enggau pengawa rama sereta ekonomi ba sitak Dun Katibas,” ku iya nerang nengah laman Facebook rasmi iya.

Lidam mega madahka taja pan sitak iya agi bisi pengurang tang enggau pemujur jalai darat ari Sibu ngagai menua Song iya pechayaka penatai jalai tu endang diadang deka ulih nyungkakka penatai pemisi ngagai rayat iya.

“Ekonomi kitai deka lebih ngerembai laban jalai ti digaga endang deka nyungkak penatai pemisi rayat ditu (Katibas),” ku iya.

Iya mega madahka semua langgur endang udah digaga lalu diatu tepulai ngagai semua rayat ambika endang muai peluang ti udah nyengenda dipeda.

“Arapka kita rayat ulih begulai enggau aku ngemansangka Katibas lalu sama kitai nyungkakka penatai pemisi kitai ditu,” ku peransang iya.

Pia mega iya mansutka ke jaku sempama munyi tu ;

“Anang bejalai ba mua aku, engka aku enda tetitihka nuan, anang bejalai belakang aku engka aku enda nemu ngulu.

“Tang bejalai mih ba sepiak aku ngambi bisi ngembing aku sangkai sereta. Gawa mih enggau aku tang anang gawa ke aku,” ku iya.

Dapatkan kandungan menarik kami di media sosial:
Klik Di Sini -->> Facebook | Tiktok | InstagramYoutube | |  Twitter |
 
!Peringatan! Artikel ini ialah Hakcipta Terpelihara Suara Sarawak. Sebarang salinan tanpa kebenaran akan dikenakan tindakan undang-undang.

Suara Sarawak